हाम्रो आवाज न्युज डटकम- केहि समय अघि निर्बाचन आयोगमा दर्ता भएको श्रम संस्कृति पार्टीले आज आफ्नाे घोषणापत्र सार्वजनिक गरेको छ। श्रम संस्कृति पार्टीका अध्यक्ष तथा धरान उपमहानगरपालिकाका मेयर समेत रहेका हर्क साम्पाङले आज सो पार्टीको घोषणापत्र सार्वजनिक गरेका हुन।
घोषणापत्रका प्रमुख बुँदाहरू निम्न प्रकार रहेका छनः
– पार्टीको मुख्य मार्गदर्शक सिद्दान्त प्रकृती, संस्कृति र प्रबिधि रहने।
– प्रत्यक्ष निर्वाचित कार्यकारी राष्ट्रपति र उपराष्ट्रपति, दुवै फरक फरक लिंग र जातिकाे हुनुपर्ने
– विज्ञहरूको मन्त्रीपरिषद हुने,
– सांसद मन्त्री बनेकाे खन्डमा पद निलम्बन हुने
– भौगोलिक अखन्डता कायम राखिने
– सीमा अतिक्रमणमा रोक लगाइने
– नेपाली सेनालाई सीमामा खटाइने
– असंलग्न परराष्ट्र नीति लीने
– नेपाली नागरिकसँग विहे गरेर आएकोलाई पाँच वर्षबसेपछि र विदेशकाे नागरिकता त्यागेपछि नेपाली नागरिकता दीने
– सबै नागरिक कानुनको नजरमा समान हुने
– प्रेस, सभा सम्मेलन गर्ने, दल खोल्ने, दलमा आवद्ध हुन पाउने
– सबै समुदायको सामुदायिक अधिकार हुने
– संघात्मक शासन प्रणाली, स्वतन्त्र र निष्पक्ष न्यायपालिका हुने
– संघमा दुई सदनात्मक र प्रदेशमा एक सदनात्मक व्यवस्था रहने
– प्रतिनिधिसभामा जनसंख्याको आधारमा पूर्ण समानुपातिक प्रतिनिधित्व गरिने
– राष्ट्रपतिले शासन गर्दा समानुपातिक समावेशीको आधारमा हुने
– प्रदेश संरचनालाई अनावश्यक बोझ भनिएकोमा सुधार गरिने
– राज्यको कुनै धर्म हुने छैन र कसैलाई काख कसैलाई पाखा गरिने छैन
– कसैकाे करकापमा धर्म परिवर्तन गर्ने नदीने
– बहुभाषिक शिक्षा दीने
– पूर्ण समानुपातिक निर्वाचन प्रणाली अपनाइने
– बैठकहरू लाइभ गरिने, आर्थिक रूपमा मितव्ययी गरिने
– सरकारी चालु खर्च कटौती गरिने
– पत्रकार, सरकारी कर्मचारी, र न्यायलयलाई गैरराजनीतिक बनाइने
– कर्मचारीलाई गल्ती गरे सरुवा मात्रै होइन जागिरबाटै हटाइने
– वैज्ञानिक कर लागु गरिने (धनीबाट बढी लिएर गरिबलाई छुट)
– सबै नागरिकलाई श्रमदानमा जोडिने
– श्रमजीविहरूलाई पुँजीवादकाे शोषणबाट मुक्त गरिने
– लोपोन्मुख समुदायको लागि विशेष आरक्षण गरिने
– जेनजीको गुनासो सुन्ने आयोग बनाइने
शिक्षा क्षेत्रमाः
– जीवन उपयोगी शिक्षा दिने
– हप्तामा ३ दिन मात्र पढाइने
– हप्ताको ४ दिन उत्पादन र साहित्यमा लगाइने
– १२ कक्षासम्म पढ्दा विद्यार्थीलाई खाना पकाउन र लुगा सिउन सिकाइने
– १२ कक्षा पासपछि अनिवार्य शैनिक तालिम दीने, त्यसपछि मात्र उच्च शिक्षा लिन पाउने व्यवस्था गरिने
– कृषि क्षेत्रमा ठुला ठुला अनुन्धान केन्द्र बनाइने
– श्रम संस्कृति र जातीय संस्कृतिको व्यवहारिक ज्ञान दीने
– गाउँमै पढ्ने गरी गुणस्तरीय शिक्षा प्रदान गरिने
– मातृभाषामा जोड दीने
– शिक्षकहरूलाई राजनीतिमा रोक लगाइने
– सबैखाले शारीरिक क्षमता भएकाहरूलाई शिक्षा दीने
– पीपीपी मोडेलमा काम गर्ने आर्थिक संस्था बनाइने
– अन्तर्राष्ट्रिय लगानी (निसर्त) लीने
– अनुचित बजार नियन्त्रण गरिने
– स्वदेशी उत्पादन र बजारलाई प्राथमिकता दीने
– श्रमदानबाट जताततै फुल र फलफुल लगाएर निम्न आय भएकाहरूलाई उपभोग गर्न दीने
– एक गाउँ एक उद्योग स्थापना गरिने
– कृषिलाई प्राथमिकतामा राखेर बजेट ल्याइने
– साना व्यवसाय र उद्योगहरूलाई पनि बचाइने
– खानी उत्खनन गरिने र धातुजन्य आयात घटाइने
– एक घर एक स्वरोजगार नीति लागु गरिने
– गरिब जनताको पहिचान गरी गासबास र कपासको व्यवस्था गरिने
– श्रम गर्नेलाई निःशुल्क स्वास्थ्य सेवा दीने
– वेरोजगारलाई राज्यले भत्ताको व्यवस्था गर्ने
– कुनै प्रकारको सांस्कृतिक विभेद रोक्ने
– सबै आइएनजिओ खारेज गरिने लगायत।
– सामुदायिक उत्पादनबाट समजलाई जोड्ने।
– साहित्य, गीत संगित र चलचित्रलाई पर्यटनसंङ्ग जोडने
– स्वादेशि उत्पादनलाई अन्तराष्ट्रिय बजारसम्म पुर्याउने प्रभावकारि निति ल्याईने छ।
– श्रम गर्ने ब्याक्तिलाई निशुल्क स्वास्थ्य सुबिधाको ब्यावस्था मिलाईने छ।
– श्रममा समानताको प्रभवकारि निति बनाईने छ।
– प्रकृती र मानव जिवनको सहता र सरलिकरणको निम्ति प्रबिधिलाई प्रयोग गरिने छ।
– मानब जिवन र प्रकृतीकाे बिरुद्द प्रबिधि प्रयोग गरिने छैन।
अन्य मुद्दा र एजेन्डाहरू जनताकाे समस्या र चाहना अनुसार फेरबदल गर्दै लैजाने अध्यक्ष साम्पाङले बताए ।